【一切从简】美国酒庄搞婚礼 郑俊弘何雁诗唔想大日子要应酬

日前郑俊弘(Fred)与何雁诗(Stephanie)齐接受TVB娱乐新闻台节目《StarTalk》访问,大谈元旦宣布订婚感受。Fred表示希望有一个好回忆留给Stephanie和自己,所以决定旅行时求婚,他说:「求婚仲紧张过自己第一次开演唱会,成个人震晒同硬晒!而最初亦好担心过关时如果Check行李,俾Step见到只戒指就穿煲,好彩顺利过关。」专访中,Stephanie大爆为Fred学煮中餐,她说:「以前我煮西餐多,因为知Fred锺意食中餐,所以特登研究,另外我哋两个都好锺意食越南河粉,我哋去美国可以餐餐食越南河粉,所以返到香港就去硏究点整个汤底,希望可以食返个味道,我哋夸张到一早七点去街市买牛骨同牛腩。」

两人决定年尾于美加地区酒庄举行婚礼,「一切从简,唔会好多围数,同家人朋友分享,我哋好怕婚礼要表演同唱歌,想好好享受我哋嘅大日子,而唔係要搞到好攰,唔想去应酬边个应酬嗰个。」