音乐剧《狮子王》登陆香港 「辛巴」Jordan自爆选角大走音

迪士尼着名音乐剧《狮子王》国际巡演-香港站,由即日起至明年1月12日假亚洲国际博览馆Arena上演,该剧动画版是不少人的童年回忆,对于四位《狮》剧演员Jordan Shaw、Mthokozisi Emkay Khanyile、Antony Lawrence及Ntsepa Pitjeng亦然,故今次能够参演这部受全球欢迎的经典之作,可谓一圆梦想,但主角Jordan自爆参加徵选时却大走音!撰文:黎宝伦摄影:李维隆

现年28岁的Jordan Shaw,6岁开始接受舞蹈训练,一毕业便冲去徵选「辛巴」一角,怎料在唱歌时灾难性地走音,他笑道:「因为我天生一把男中音声,唱唔到『辛巴』嘅歌,所以我用咗好多钱、时间去搵星级导师,训练到把声有男高音嘅元素,但到o依家都觉得《Endless Night》好难唱,因为需要好大体力同控制。」Mthokozisi Emkay Khanyile自爆起初想做「辛巴」,惟本身声线较低沉,最终获安排扮演爸爸「木法沙」,「一直都觉得呢个角色係要用沉声演绎,但由后备转做正式演员后,监製叫我把声唔使咁沉,可以放鬆少少,当下觉得係一种解脱,亦启发咗我唔使咁大压力,令个角色发挥得更好。」

「刀疤」乐做奸角吓细路

Antony Lawrence则自觉演绎的大坏蛋「刀疤」与一般迪士尼奸角不同,「好多时啲坏人都係邪恶嘅女人、巫婆,但『刀疤』比较多层次,我亦唔惊被小朋友讨厌,因为吓到佢哋係一种成功感,有时小朋友一见到我就预料到有坏事发生,令到佢哋惊先代表我做得好。」饰演「拉飞奇」的Ntsepa Pitjeng认为最大挑战是以声线演绎,幸相比韩国、新加坡等地,香港的天气很适合表演,她笑道:「呢度嘅天气唔太冻又唔太热,身体同把声嘅状态都OK,所以香港嘅演出应该係最精采!」